Polizia espainolak Juan Karlos Arriaran atxilotu du Bergaran
Barne Ministerio espainolak jakinarazi duenez, Bergaran atxilotu du Polizia espainolak Juan Karlos Arriaran, ‘Sali’. Justizia frantsesaren euroagindu baten ondorioz atzeman dute Arriaran, 30 urteren ondoren sorterrira itzuli dela-eta Bergaran egin behar zioten harreraren hasieran.
Polizia espainolak arratsaldeko zazpiak pasata atxilotu du Juan Karlos Arriaran, Bergaran.
#ÚLTIMAHORA @policia detiene en Bergara (Guipúzcoa) al miembro huido de #ETA Juan Carlos Arriarán, alias “Giuseppe” pic.twitter.com/ljYUMXugQK
— Ministerio Interior (@interiorgob) diciembre 19, 2014
Sorterritik kanpo eman dituen 30 urteen ondoren egin behar zioten harreraren atarian atzeman dute Arriaran.
Barne Ministerioaren iturriek jakinarazi dutenez, Justizia frantsesaren euroagindu bat dela medio atxilotu dute.
Aipatu iturriaren arabera, 1982an alde egin zuen Estatu frantsesera. Handik Panamara kanporatu zuten agintariek.
1990ean, Panamatik Venezuelara estraditatu zuten.
2005ean Justizia frantsesak igorritako euroagindu batek ekarri du bere atxiloketa.