Ebakuntza egin diote Iker Muniaini, eta 7-8 hilabetez izango da bajan
Ezker belauneko lotailu gurutzatuaren haustura konpontzeko, ostegun honetan egin diote ebakuntza Iker Muniain Athleticeko jokalariari. 7-8 hilabetez izango da bajan.
NAIZ
BILBO
Athleticek ohar bidez jakinarazi duenez, arrakastaz egin diote ebakuntza Iker Muniain jokalariari, ezker belauneko aurreko lotailu gurutzatuaren haustura konpontzeko.
Iragan apirilaren 4an lesionatu zen Muniain, Sevillaren aurkako partidan.
«Begizta bikoitzeko lotailuplastiaren» bitartez konpondu diote lesioa, Bilboko taldeak adierazi duenez.
Jokalari nafarra 48 orduz izango da erietxean eta, arazorik ez badago, etxera bidaliko dute.
Talde zuri-gorriaren arabera, 7-8 hilabete beharko ditu Muniainek errekuperatzeko.