Duin baina ezin, Bartzelonarentzat hiru puntuak

Realak itxura txarrik ez du eman Bartzelona ahaltsuaren aurka, baina sasoi betean dira kataluniarrak eta Ligarako lehian eta bertan geratu dira hiru puntuak. Moyesenek denboraldia itxura ona emanez amaitzeko moduan jarraitzen dute.

Neymarrek lehenbizi eta Pedrok gero, gol izugarri eder batekin, gainditu dute Reala Bartzelonan. Lehen zatian hutsean eutsi diote txuri-urdinek markagailuari eta zaila zirudien arren, punturen batekin itzultzeko aukerak irekirik jarraitzen zuen.

Bigarren zatia hasi eta gutxira Neymarrek egin du Bartzelonaren lehen gola. Ez etsi eta lehian jarraitu dute donostiarrek, ondoen ari zirenean, Bartzelona tarteka larrituz, iritsi da kataluniarren bigarrena, Pedroren gol ikusgarri batekin. 2-0 azkenean eta azken txanpa, itxura ona emanez amaitzeko erdipurdiko denboraldia.

Laburpena