Alavesek euskal derbia bereganatu du Bilbao Athletic garaituta eta lider jarraituko du (3-0)
Alavesek sailkapenaren lehen postuan jarraituko du Bilbao Athletic 3-0 garaitu eta gero. Euskal derbia izan da Gasteizen, eta bi taldeek sailkapenean duten postua argi geratu da zelaian, hasiera-hasieratik nagusitu dira eta arabarrak.
Euskal derbia izan da gaurkoan Gasteizen, eta Alaves nagusitu egin zaio Bilbao Athletic taldeari. Arabarrak sailkapen nagusiaren buruan daude, 36 punturekin. Bilbotarrak, ordea, jaitsiera postuetan daude.
Sergio Morak aurreratu ditu etxekoak 15. minutuan, eta oraindik kolpetik osatuta ez zeudenean, Julik bigarrena egin du. Hortik aurrera Alavesek errez jokatu du eta nahiz eta txuri-gorriak saiatu egin diren, nagusi agertu dira babazorroak.
72. minutuan iritsi da hirugarren gola. Manu Garcia kapitainak penaltiz egin du gola.