Izagirre anaiak ez dira Euskal Herriko Itzulian izango
Ion eta Gorka Izagirre txirrindulariak ez dira Euskal Herriko Itzulian izango, gastroenteritisak jota baitaude bi anaiak.
NAIZ
ETXEBARRIA
Movistar taldeko Ion eta Gorka Izagirre azken orduko baja dira Euskal Herriko Itzuliaren 56. edizioan, gastroenteritisak jota baitaude bi anaiak.
Horrenbestez, Movistarrek sei txirrindulari izango ditu Etxebarriako hasieran: Nairo Quintana, Giovanni Visconti, Winner Anacona, Rory Sutherland, Jesus Herrada eta Dani Moreno.
Etxebarrian hasi eta Markinan bukatuko da lehen etapa. 144 kilometrotan zortzi mendate gainditu beharko dituzte txirrindulariek.