Mo Farah nagusi 10.000koan eta hirugarren urrerik gabe utzi du Thompsonek Fraser Pryce

Mo Farah atleta britainiarrak autoritatez defendatu du duela lau urte Londresen lortutako urre olinpikoa eta berriro irabazi du Rion 10.000ko proba. Fraser Pryce jamaikarrak, aldiz, emakumeen abiaduran zuen tronua galdu du, Elaine Thompson herrikidearen mesedetan.

Bere ibilbide profesionaleko hirugarren urrezko domina lortu du Mo Farah atleta britainiarrak Rioko Olinpiar Jokoetan. Duela lau urte Londresen egin bezala, ase nagusitu da 10.000ko proban.

Eroriko bat eta hainbat eraso gainditu behar izan ditu, besteak beste, Farah-k, Kenia eta Etiopiako korrikalarien aldetik batez ere. Hala, azken 100 metroak arte ez da argitu nork irabaziko zuen lasterketa.

Gizonen 10.000koaren ostean etorri da emakumeen 100 metrotako lasterketa. Bertan, Fraser Pryce jamaikarra zen urrea irabazteko faboritoa, baina Elaine Thompson herrikideak gainditu du. Pekinen eta Londresen urrea eskuratu zuen Fraser Pryce brontzezko dominarekin konformatu behar izan da.

Jarraitu Rioko Olinpiar Jokoen xehetasun guztiak NAIZen webgune berezian.