Gari Arriaga euskal preso politikoa aske geratu da
Espetxean zortzi urte igaro eta gero, Gari Arriaga Burgoseko espetxetik atera da gaur goizean. Preso iurretarra 33/01 sumarioa dela-eta espetxeratu zuten 2008an.
NAIZ
Gari Arriaga euskal preso politikoa aske geratu da gaur goizean. 09:00ak aldera atera da Burgoseko espetxetik, non lagun eta senide ugari zituen zain harrera beroa eskainiz.
Arriagak zortzi urte igaro ditu espetxean. 33/01 sumarioan, Gestoras pro amnistiaren kontrako epaiketan, zortzi urtera zigortu zuten eta oso-osorik bete du zigorra. 2008ko irailaren 17an izan zen espetxeratua.