Zazkel taldea, Euskal Pop Erradikala aldarrikatuz
Andoaingo Garate estudioetan Kaki Arkarazoren gidaritzapean grabaturiko lehen diskoa kaleratu du Zazkel taldeak 2016an. 80ko hamarkadako talde euskaldun zein atzerritarren erritmoetan oinarrituta, Euskal Pop Erradikala aldarrikatzen du Bilbon sorturiko taldeak.
Zazkel taldeak azaroan aurkeztu du 2016ko maiatzean argitaratutako lehen diskoa. Joan den ostegunean Kalderapekon aurkezpen kontzertua eskaini zuten eta azaroaren 25ean Bilborock aretoan izango dira Banden Lehian.
Bilbotarra Naiz webgunera bidalitako biografian azaltzen dutenez, «2012 inguruan Bilbon sei lagun batu ziren behingoz buruan zuten ideia aurrera eramateko: gitarra, bateria, baxu, teklatu eta ahotsen bitartez euskal musikari ekarpen berri bat egitea».
«80ko hamarkadako talde euskaldun zein atzerritarren erritmoetan oinarrituta, Euskal Pop Erradikala aldarrikatzen dute, dantzarako eta abesteko aukera emanez», nabarmentzen dute Zazkel taldeko kideek.
Zazkel taldearen musika entzun eta deskargatzeko estekaren gainean klikatu.