28 abesbatza eta musika talde gabonetako kantuak jotzen
Ostiral eta larunbat honetan, hiriko barruti guztietan gabon kantuak entzungo dira 28 abesbatza eta musika taldek eskainiko dituzten emanaldiekin.
NAIZ
Bilboko Udal Musika Eskolako taldeek, orfeoiek eta abesbatzek, guztira, 28 taldek, hiriko 13 merkataritza-eremu girotuko dituzte 18.00etatik 19.30era ostiralean eta larunbatean.
Larunbatean, gainera, giro ludikoaz eta musikaz gozatzeko aukera egongo da goizean, 12.00etatik 13.30era.
Gabonetako musika auzo eta merkataritza-eremu hauetara iritsiko da: Alde Zaharra, Erriberako Merkatua, Zorrotza, Abando, Indautxu, Deustu, Errekalde, San Inazio-Ibarrekolanda-Elorrieta, Otxarkoaga, Santutxu, Txurdinaga, Basurtu, Bilbo Zaharra eta Uribarri.