Fiskaltzarekin akordioa lortu du Remirezek eta ez du espetxera joan beharko
Armiarma operazioaren baitan atxilotu zuten Alfredo Remirezek, Twitterren @erreharria izenarekin ezagunagoa denak, Auzitegi Nazional espainoleko Fiskaltzarekin akordioa lortu du eta, ondorioz, urte eta erdiko espetxe zigorra ezarri diote, baina ez da kartzelara sartuko.
Sare sozialetan «terrorismoa goratzea» egotzita, bi urteko espetxe zigorra, bost urteko zaintzapeko askatasuna eta hamasei urteko inhabilitazioa eskatzen zuen Fiskaltzak, baina auzi saioa hasi aurretik akordio batera iritsi dira aldeak.
Hala, urte eta erdiko espetxe zigorra ezarri diote amurrioarrari, baina ez du espetxera joan behar izango. Hamalau urte eta erdiko inhabilitazioa ere ezarri diote.
Auzitegi Nazionaletik atera eta berehala, jasotako babesa eskertu du Twitterren Bilbo Zaharreko auzokidea den Alfredo Remirezek.
Próxima estación ...A casa!
— ɐᴉɹɹɐɥәɹɹә@ (@erreharria) 2017(e)ko otsailak 27
Mila esker a todxs, solo espero que todxs lxs encausadxs reciben el mismo apoyo y ternura que yo#alFREEdoAskatu pic.twitter.com/K1Cv9apl73