Isuna kentzeko Euskarabidean itxialdia egin dute EHEko hiru kidek

Joan den abenduaren 14an Nafarroako Parlamentua Vascuencearen Legearen kontrako protesta bat egiteagatik Mozal Legean oinarritutako Foruzaingoaren salaketarengatik ezarritako isuna salatzeko Euskarabidearen egoitzan itxialdia egin dute EHEko hiru kidek.

«Euskarabidearen egoitzan sartu eta Mikel Arregi zuzendariari aldarrikapenaren berri eman eta isun honekiko konponbidea eskatu genion; ulertzen baitugu Euskarabidea, Nafarroako Gobernuaren hizkuntza politikaren garapenerako arduraduna den neurrian, guk jasotako isunaren erantzunkizuna ere baduela; gure hizkuntza eskubideak aldarrikatzeagatik zigorra jaso baitugu», azaldu dute EHEko kideek.

Konponbidea ematen ez ziotelakoan, Euskaranbidean itxialdia egitea erabaki zuten. Gaur goizean, berriz, Ana Ollo kontseilariarekin bilera egin dute. Ollok isuna kentzeko ahalmena ez duela Nafarroako Gobernuak eta Mozal Legearen aurkakoa dela.

EHEko kideek Nafarroako Gobernuari isuna jarri zietenen aldeko adierazpena egitea eskatu zion. Honekin batera, Mozal Legea ez ezartzearen konpromisoa eskatu zioten Gobernuari.

«Bien bitartean, euskaraz bizitzea ahalbidetuko duen lege berri baten aldeko lana berretsi nahi dugu. Argi dugu aldaketak eragiteko norbanakoon aktibazioa eta dinamika kolektiboak ezinbestekoak direla. Nor bere txikitasunetik su txikiak pizteko garaia da inoren zain egon gabe», gaineratu dute EHEko kideek.