Jon Salaberria donostiarra aske geratu da, hamar urteko espetxealdia beteta
Jon Salaberria donostiarra aske geratu da gaur goizean Mont-de-Marsaneko kartzelatik, Estatu frantsesean ezarri zioten hamar urteko espetxealdia bete ondonren. Martxoaren hasieran gerturatu zuten Landetako espetxe horretara.
Arakatzaile honek ez du bideo elementua onartzen.
Jon Salaberriak gaur goizean berreskuratu du askatasuna, hamar urteko espetxealdia bete ondoren, Etxerat elkarteak jakinarazi duenez.
Jon Salaberria euskal preso politikoa aske! Mont-de-Marsango espetxetik atera da 10 urteren ondoren. Ongi etorri Jon! #BatGutxiago pic.twitter.com/lnWOVhiggg
— Etxerat Elkartea (@EtxeratElkartea) March 28, 2018
Donostiarra 2008ko maiatzaren 20an atxilotu zuen Bordelen Polizia frantsesak, Xabier Lopez Peña, Ainhoa Ozaeta eta Igor Suberbiolarekin batera. ETAko «zuzendaritza politikoa» osatzea leporatu zieten bere garaian eta 2014an epaitu zituzten Parisen –Xabier Lopez Peña ezik, 2013ko martxoan preso zegoela hil baitzen–. Salaberriari hamabi urteko kartzela zigorra ezarri zioten, Ozaetari hogei urtekoa eta Suberbiolari hamaseikoa.
Martxoaren hasieran, Alençongo presondegitik (Euskal Herritik 830 kilometrora) Mont-de-Marsanera lekualdatu zuten Salaberria, Raul Aduna eta Josu Urbietarekin batera.