Eguzki-panelen inguruko landaredia artaldeekin kontrolatzen du Ingeteamek
Ingeteamek bere eguzki-panelak mantentzeko ekimen aitzindari bat abiarazi du. Ardi-artzainekin elkarlanean, artaldeen artzaintza instalazio fotovoltaikoetan bertan egin dadin. Horrek mantentze-kostuak murrizten ditu eta ingurumen-inpaktua «ezabatzen» du.
Zamudion egoitza nagusia daukan Ingeteam enpresakek artaldeak erabiliko ditu instalazio fotovoltaikoetako panelen inguruan landarediaren hazkundea kontrolatzeko eta horrela makinak eta herbizidak erabiltzea saihesteko.
Euskal enpresak adierazi duenez, horri esker, 700 hektarea inguruko 265 MW eguzki-planta daude martxan, eta horrek «mantentze-kostuak murrizten ditu eta ingurumen-inpaktua ezabatzen du».
Era berean, adierazi du estrategia horren bidez murriztu egiten dela eguzki-plantetan lapurretak egoteko arriskua, «artzainaren ikuskapenari esker».
Artzainen eta Ingeteamen arteko akordio honekin, ardi ernalduei itzala, babesa eta aterpea emango zaizkie, eta landa-eremuetako populazioa garatzen eta mantentzen lagunduko da.
«Elkarri laguntzeko sistema honen bidez, Ingeteamek ingurumena errespetatzen duen mantentze jasangarriagoa eskaintzen du, eta, aldi berean, landa-eremuen garapena errazten du», nabarmendu du konpainiak.
Ingeteamek ohar batean azaldu duenez, eguzki-energiaren ekoizpenak indarra hartu du azken urteotan baliabide jasangarri gisa, baina oraindik «erronka handiak daude eguzki-planten operazioari eta mantentze-lanei dagokienez». Izan ere, erroka horiek betetzera dator egitasmo berri hau