Hego Euskal Herriko 296.000 pertsonek erabiltzen dute bizikleta euren egunerokotasunean
Bizkaian 94.000 pertsona ibiltzen dira bizikletan egunerokotasunean; Nafarroan, 89.000; Gipuzkoan, 59.000; eta Araban 27.000. Bizikletan ibiltzen diren gizonak emakumeen bikoitza dira. Gastuei dagokionez, nafarrak dira garraio horretan gehien inbertitzen dutenak.
NAIZ
Hego Euskal Herrian 296.000 pertsonek erabiltzen duten bizikleta euren egunerokotasunean, Kelbet gidak egindako estimazio baten arabera. Gida horrek INEk argitaratutako ‘Espainiako osasunari buruzko Europako Inkestaren’ datuak lurralde bakoitzeko biztanleria-zifrekin alderatu ditu.
Bizkaian 94.000 bizikleta erabiltzaile daude eta batez bestez 9,62 milioi euro gastatzen dituzte urtero bizikletetan.
Nafarroan 89.000 pertsonek erabiltzen dute bizikleta eta 6,37 milioi euro gastatzen dituzte.
Gipuzkoan 59.000 ohiko erabiltzaile daude eta euren gastua 6,05 milioi eurokoa da.
Araban jaso dira daturik apalenak, biztanle gutxiago izatearen ondorioz. Bertan 27.000 pertsonek erabiltzen duten bizikleta egunerokotasunean eta 2,78 mililoi euro gastatzen dituzte.
Generoen arabera, gizonek bizikleta gehiago erabiltzen dute lurralde guztietan, baina Nafarroa parekideagoa da. Izan ere, emakume erabiltzaile bakoitzeko 1,94 gizon daude, Gipuzkoa, Bizkaia eta Araban, berriz, 2,03.
Estatu espainoleko datuei erreparatuz gero, 3.690.000 erabiltzaile daude, emakume bakoitzeko 2,14 gizon erabiltzailerekin, eta urteko 331,11 milioi euroko batez besteko gastuarekin.
25 eta 44 urte bitartekoak dira bizikleta gehien erabiltzen duen adin-tartea.