Amurrioko jaietan izandako eraso matxistak salatzeko kontzentrazioa deitu dute talde feministek

Amurrioko eragile feministek elkarretaratzea deitu dute herriko jaietan izandako bi eraso matxistak salatzeko. Astelehen honetan izango da mobilizazioa, arratsaldeko 19.00etan, Juan Urrutia plazan.

Amurrioko jaietan izandako bi eraso matxistak salatzeko elkarretaratzea deitu dute herriko talde feministek. Elkarretaratzea astelehen honetan izango da, arratsaldeko 19.00etan, Amurrioko Juan Urrutia plazan. Asteburuan jaso ziren bi erasoak, eragileek jakinarazi dutenez.

Amurriko Mugimendu Feministak, Otsemeak eta Emakumeon* Sareak antolatu dute elkarretaratzea eta sare sozialen bitartez zabaldu dute deialdia. Herriko Udalak ere erasoak salatu ditu eta kontzentrazioarekin bat egiten duela adierazi du.

Eragile feministek erasoen matxisten aurrean erantzuteko protokoloa abian jarri dute. Protokolo horren bitartez, erasoen aurrean zer egin behar den zehaztu dute eta jendarteari helarazi diote.

Hilaren 11tik 17ra bitarte ospatzen ari diren jaietan zehar, telefono zenbaki bat 24 orduz erabilgarri izango da eraso baten aurrean laguntza jasotzeko: 666167220.

Eragile feministek gogorarazi dute erasoak ez direla «erantzunik gabe» geratuko eta «autodefentsa feministaren» beharra azpimarratu dute.