‘Txoria txori’, ‘Ikusi mendizaleak’ eta kolore txuri-urdina, Lisboako erdialdeko apaingarri

Realak astearte honetan Benficaren aurka jokatuko duen partida bertatik bertara ikusteko 3.000 realzale baino gehiago mugitu dira Lisboara. Partidaren atarikoan, kolore txuri-urdinak hartu du Lisboako erdialdea, bai eta abesti euskaldun mitikoek ere, ‘Txoria txori’ edo ‘Ikusi mendizaleak’.

Euskaldunak non, ‘Txoria txori’ edo ‘Ikusi mendizaleak’ abestiak han. 3.000 realzale baino gehiagok hartu dute Lisboa egun hauetan –zale asko atzo eta astearte honetan iritsi dira Portugalgo hiriburura baina beste askok asteburua ere probestu zuten–, gaur Realak Benficaren aurka jokatu behar duen Txapeldunen Ligako partida bertatik bertara ikusteko (21.00etan, Stadio da Luz). Eta, nola ez, taldea hauspotzeko.

Lisboa 헧헫헨헥헜 헨헥헗헜헡 #UCLN| #WeareReal pic.twitter.com/PFpRzVNuxq

— Real Sociedad Fútbol (@RealSociedadEUS) October 24, 2023

Garaipen batek oso bideratuta utziko lioke hurrengo faserako txartela Imanol Alguacilen taldeari eta beraz, zinez garrantzitsua izango da motibatuta zelairatzea. Horretan, bere aletxoa jarriko dute –eta jartzen ari dira– zaleak.

Astearte buruzuri eta eguraldi grisaren aurrean, kolore txuri-urdinez apaindu dituzte Lisboako kaleak, han eta hemen ikus daitezkeen baldosa zuri eta urdinen artean ederki asko egokituta.

Lisboa TXURI-URDIN!
懶懶 pic.twitter.com/tbIbZRhhoJ

— Xuban Larrañaga (@xubanlarra) October 24, 2023

Lisboa TXuriurdin!
We are TXampionsLeague!
Goazen @RealSociedadEUS #BenficaRealSociedad#WeAreReal pic.twitter.com/Fm8wzxXI3K

— Egoitz Sayar (@EgoitzSayar) October 24, 2023

Lisboa TXURI-URDIN!
懶懶 pic.twitter.com/tbIbZRhhoJ

— Xuban Larrañaga (@xubanlarra) October 24, 2023

Dena dela, taldearen kolore nagusiak kale nagusi eta zirrikituetan erakusteaz gain, badago are nortasun gehiago erakusten duen keinurik, eta horiek dira animo oihu eta abestiak. Astelehen gaua apur bat gehiago luzatu zitzaien batzuei, ‘xalalalalalala Erreala’ abesten. Egongo zen asteartea biharamunarekin hasi duenik ere, baina ‘Ikusi mendizaleak’ entzun orduko erraz suspertuko zen.

Egindako bidaiak, bigarren mailako zulotik, Europako izarretara ✨

Lisboa ya es txuri urdin! 懶 @RealSociedad @BultzadaTX #fiesta #noche #lisboa pic.twitter.com/EVUF4kpM9a

— Ainhoa (@aville23) October 23, 2023

Astearte eguerdi honetan, partida hasteko ordu dezente falta zirela, ‘Txoria txori’ doinuak hartu du Komertzio plaza –Realeko jarraitzaileen topagunea–, errealzale eta euskaldun denak batzen duen kantua, alegia.

‘Txurdin’ –Realeko maskota– ere hara eta hona ibili da Lisboako leku ezagunenetan, bere arrastoa utzita, Realak Txapeldunen Ligan arrasto handia utzi nahi duenaren erakusle gisara.

 Txurdin Lisboan da
 Zuen zain egongo gara 퐏퐥퐚퐳퐚 퐃퐞퐥 퐂퐨퐦퐞퐫퐜퐢퐨-n! (14:00)#UCL | #WeareReal pic.twitter.com/F2ZGc0HIph

— Real Sociedad Fútbol (@RealSociedadEUS) October 24, 2023