Palestinaren aldeko «argazki masiboa» atera dute Athletic-eko zaleek, Kirruli aurrean

Palestinaren aldeko elkarretaratzea egin dute zale zuri-gorriek, Valentziaren aurkako dema hasi baino lehenago. Iñigo Cabacas Herri Harmailak deituta, herrialde palestinarrari elkartasuna erakutsi nahi izan diote, azken asteetan gogortu den zapalkuntzaren aurrean.

Palestinarekiko elkartasun keinuak futbol partida bakoitzean ari dira nabarmentzen –pasa den asteburuan Sadarren eta Anoetan, kasu–, eta Athletic zaleek ere keinua eskaini nahi izan diote, azken asteetan herrialde palestinarraren aurkako zapalkuntza erabat gogortu den honetan.

Iñigo Cabacas Herri Harmailak deituta, Kirruli herriko tabernaren aurrean elkartu dira zenbait zale, Palestinako banderak eskuetan zituztela. «Palestina aurrera! sionismoa genozida!», leloa erabili dute «argazki masiboa» ateratzeko deialdi honetan.

 Palestina aurrera!

Sionismoa genozida! pic.twitter.com/Zbii21YyHk

— I.C Herri Harmaila (@ICHHarmaila) October 29, 2023

Hain justu ere, ICHH zale taldeak Palestinaren aldeko kamiseta ere salmentan jarri du egunotan, «Palestinatik Euskal Herrira. Erresistentzia. Harmailetatik garaipenera», leloa nabarmentzen dela. Biltzen den diru guztia palestinar herrialdearentzat izango da.



Elkartasun kamiseta salgai asteburu honetan!

* Bildutako diru guztia palestinar herriarentzat izango da. pic.twitter.com/LQC1YlDySB

— I.C Herri Harmaila (@ICHHarmaila) October 26, 2023

Israelek Gazako mugan gogortu duen erasoaren aurrean, Iñigo Cabacas Herri Harmaila oso argi mintzatu da sare sozialetan, zapalkuntza erabat gaitzetsiz.

San Mames barnean, behin Athletic eta Valentziaren arteko norgehiagoka hasita, «Palestina aurrera» oihuak nabarmendu dira.

Gritos de Palestina Aurrera en San Mames. pic.twitter.com/vxgSzRffpn

— Alerta Gorria Irratia (@AlertaIrratia) October 29, 2023