Aberri Eguna era bateratuan ospatzearen alde sinatu dute hamar Euskal Etxek

Euskal Herria Bateraren iniziatibaz, Aberri Egun bateratua ospatzearen aldeko agiria sinatu dute igandean hamar Euskal Etxek, lau hizkuntzatan. Era berean, Hamaika Telebistak emititu egingo du martxoaren 30eko ekitaldi bateratua, diasporara iritsi ahal izateko.

Larunbatean, Aberri Egunaren bezperan, euskal nazioa aldarrikatu zuen Euskal Herria Batera plataformak, Bilboko Campos Eliseos aretoan egindako ekitaldi batean. 140 gonbidatuen aurrean eta 2025era begira, Aberri Eguna unitario antolatzen saiatzeko konpromisoa hartu zuen plataforma herritar honek.  

Igandean jakin denez, ekitaldia modu berezian emitituko da diasporako komunitate osoarentzat apirilaren 3an, asteazkenean, 22.00etan Euskal Herrian, 18.00etan Argentinan, 8.00etan Sidneyn eta 16.00etan Boisen. Emanaldia eskuragarri egongo da gure YouTubeko kanalean eta baita hedatzeko eskatzen dutenentzat ere.

Bestalde, Euskal Herria Bateraren iniziatibaz, Aberri Egun bateratua ospatzearen aldeko agiria sinatu dute hamar Euskal Etxek eta lau hizkuntzatan irakur daiteke. Hamaika Telebistak zuzenean eskainiko du saioa. LTD, Euskaltel eta online https://www.hamaika.eus/zuzenean-eu.html bidez.

Sinatzaileei dagokionez, toki desberdinetakoak izan dira: AEBtik, Euzko Etxea of New York (Brooklyn); Argentinatik, Laurak Bat (Buenos Aires), Escuela de Lengua Vasca Euskaltzaleak (Buenos Aires), Centro Vasco Gure Etxe Maitea (Olavarria, Buenos Aires), Centro Vasco Ibaiko Euskaldunak (Rio Colorado, La Adela-Río Negro), Centro Vasco Zazpirak Bat (Rosario, Santa Fe), Centro Vasco Aberri Etxea (Viedma, Carmen de Patagones, Río Negro, Buenos Aires),  Euskal Etxea Corpus Christi (Posadas Misiones); Kubatik, Asociación Vasco Navarra de Beneficencia (La Habana) eta Palma-Illes Balearsetik Euskal Etxea Artea.

Euskal diaspora dagoen herrialde guztietan, zeintzuetan Euskal Herritik iritsitako gure arbasoei harrera egin zieten, harro, batasunez eta pozez ospatzen dugu jaio eta/edo bizi garen herrialde horretako egun nazionala», aipatu dute sinatutako agirian.

«Mundu zabalean dauden euskal etxeek gure jatorriarekin lotura mantentzea ahalbidetu digute –jarraitu dute–. Hala ere, frankismoaren urte ilunetan, euskal etxeak izan ginen euskal nazioaren nortasunaren aldeko suari eusteko babeslekua. Hamarkadaz hamarkada, gure egun nazionala, Aberri Eguna, ospatu dugu mundu osoko euskal etxeetan, komunitatean eta senidetasunean. Tradiziotik harago, Aberri Eguna oraina eta etorkizuna dela uste dugu, gure nazioa bezala. Senidetasunaren egun nazionala da, euskal nazio osoarekin bat egiten dugu 2024ko Aberri Egunaren ospakizunean, eta euskaldun guztion Aberri Eguna elkarrekin eta batasunez ospatzeko baldintzak sortzera dei egiten dugu».

Frantsesez sinatutako testuak hauxe dio: «Dans tous les pays du monde qui ont accueilli nos ancêtres qui avaient quitté Euskal Herria, la diaspora basque célèbre avec fierté, unité et joie la fête nationale de ce pays où elle était née. Les maisons basques réparties dans ce vaste monde nous ont permis de maintenir le lien avec nos origines. Même pendant les années sombres du règne de Franco, les maisons basques furent le lieu de rencontre pour entretenir la flamme de la défense de l'identité de la nation basque. Décennies après décennies, nous célébrons notre fête nationale, l'Aberri Eguna, dans les maisons basques de toute la planète, en communauté et en fraternité. Nous considérons qu'au-delà de la tradition, l'Aberri Eguna est notre présent et notre futur, tout comme notre nation. Lors de cette journée nationale de fraternité, nous nous unissons à toute la nation basque dans la célébration de l'Aberri Eguna 2024 et nous encourageons la mise en œuvre des conditions pour célébrer un Aberri Eguna commun et dans l'unité de tous les Basques».

Eta ingelesez: «In all the countries of the world where the Basque diaspora is distributed, we celebrate with pride, unity and joy the national day of that country in which we were born and/or live and that once welcomed our ancestors who arrived from Euskal Herria. The Euskal Etxea spread throughout this wide world have allowed us to maintain the link with our origins. Even during the dark years of Franco's rule, Basque houses were the meeting place to keep the flame in defense of the identity of the Basque nation. Decade after decade we have been celebrating our national day, Aberri Eguna, in Basque houses all over the planet in community and fraternity. We consider that beyond tradition, the Aberri Eguna is present and future, like our nation. It is this national day of brotherhood, we join the entire Basque nation in the celebration of Aberri Eguna 2024 and we encourage the creation of the conditions to celebrate a joint Aberri Eguna and in unity of all Basques».