Palestinaren aldeko baraualdiak abiatu dituzte, larunbateko manifestazioen atarian
Iruñean, Gasteizen, Bilbon, Donostian eta Altsasun baraualdiak abiatu dituzte ostegun honetan, Palestinarekin elkartasunean. Zenbait ekimenekin jarraituko du aurreikusita dagoen egitarauak: hitzaldiak, erakusketak, zine emanaldiak, kontzertuak...
DONOSTIA | #ElkartasunBaraualdia
— Palestinarekin Elkartasuna (@Palestinarekin) October 3, 2024
Baraualdiari ekin diogu Donostian. Ostegunetik ostiralera, palestinar herriarekiko elkartasun egitaraua izanen da Donostiako Zentro Sozialistan eta Blas de Otero plazan. Animatu eta hurbildu! pic.twitter.com/oFBZHf7Dhy
BILBO | #ElkartasunBaraualdia
— Palestinarekin Elkartasuna (@Palestinarekin) October 3, 2024
Baraualdiari ekin diogu Bilbon. Ostegunetik ostiralera, palestinar herriarekiko elkartasun egitaraua izanen da Areatzako tinglatuetan. Animatu eta hurbildu! pic.twitter.com/jiOTW8Dd6h
IRUÑEA | #ElkartasunBaraualdia
— Palestinarekin Elkartasuna (@Palestinarekin) October 3, 2024
Baraualdiari ekin diogu Iruñean. Ostegunetik ostiralera, palestinar herriarekiko elkartasun egitaraua izanen da Nabarrerian. Animatu eta hurbildu! pic.twitter.com/trPlFAuUVp
Larunbat honetan bi manifestazio deitu dituzte, Bilbon zein Iruñean, duela urtebete abiatu zen genozidioa salatzeko. Jendetsuak izango direla aurreikus daiteke, aurreko mobilizazioek izan duten atxekimendua ikusita.
Bilboko hitzordua Jesusen Bihotzean da, 12etan (hasieran 11etan iragarri bazen ere). Iruñekoari dagokionez, Golem zinemetatik abiatuko da, 18etan. Sektore profesional ugarik bat egin dute deialdiarekin, aurreratu zutenez: osasun arloko langileak, hezkuntzaren alorrekoak, kirolariak, suhiltzaileak, abokatuak...