2010eko Sanferminetako txupinazoan izan ziren istiluak direla-eta hamahiru lagun epaitu dituzte gaurtik aurrera Nafarroako Auzitegi Probintzialean. Gazte talde batek ikurrina Udaletxeko plazan sar ez zezan Udaltzaingoak operazio zabala antolatu zuen eta plazan bildutakoen aurka oldartu zen. Istiulu haietan Madrilgo gazte bat oso larri zauritu zen, botila baten kolpea buruan jaso ondoren.
Fiskalak eta akusazio partikularrak 35 eta 160 urte arteko espetxe zigorrak eskatzen dituzte hamahiru lagun hauentzat. Epaiketan guztiek ukatu egin dute istiluekin zerikusia izan zutenik eta eta botilak bota zituztenik. Guztiak bat etorri dira Udaltzaingoaren jarrera «oso bortitza» izan zela esaterakoan, eta udaltzainen kolpeen aurrean beren burua babestu besterik ez zutela egin ziurtatu dute.
Auzitegiaren aurrean elkarretaratzea egin dute, ‘Guztion Iruñean guztion eskubideak’ lelopean.
Adierazpenak epaiketa hasi aurretik: Amaia Kowasch (Iruñea Askatasunez):
Fallece Koldo Anza, hermano de Jon Anza y extrabajador de la Real
«Esto es un mazazo; con 50 años, ¿adónde vas?», el drama de los trabajadores de BSH
Anari y Belako, dos generaciones unidas por una pasión
Los más de 18.000 menores palestinos muertos en Gaza serán homenajeados en Iruñea el día 28
