Arabako finalean kantatuko duen bertsolari seikotea erabaki da

Arabako Bertsolari Txapelketaren historian Añanan jokatutako lehendabiziko saioan, seigarren eta azken finalaurreko goxoan osatu da finaleko seikotea: Manex Agirre, Oihane Perea, Zigor Enbeita, Iñaki Viñaspre, Xabi Igoa eta Ruben Sanchez. Honakoak dira, berriz, Langraiz Okako puntuak: Zigor Enbeita (342), Xabi Igoa (333,5), Paula Amilburu (317,5), Iker Pastor (287,5), Ander Solozabal (283,5) eta Jagoba Apaolaza (273).

Langraiz Okan osatu berri da heldu den martxoaren 21ean Gasteizko Printzipal antzokian kantatuko duen finalista seikotea: Manex Agirre, Oihane Perea, Zigor Enbeita, Iñaki Viñaspre, Xabi Igoa eta Ruben Sanchez.

Giro goxoan eta batzuetan beroan joan den azken finalaurrekoko sailkapena horrela gelditu da: Zigor Enbeita (342), Xabi Igoa (333,5), Paula Amilburu (317,5), Iker Pastor (287,5), Ander Solozabal (283,5) eta Jagoba Apaolaza (273). Hona irabazlearen agurra: «Txapelketa Añana aldera gaur heldu da lehenengoz/ saiatu gara euskaltzaleak erakartzen gure bertsoz/ esperantzakin geratutzea berriz bueltatzeko gogoz/ lehendabizikoa ez dadin gerta gerorako azkenengoz».