![Esther Compains medikua, manifestazioaren beste bultzatzaile batzuekin batera, Bilbon. (ARGAZKI PRESS)](/media/asset_publics/resources/000/013/831/article_main_landscape/20121113_herrira.jpg)
Bizkaiko hiriburuan eginiko agerraldian, datorren urtarrilaren 12an Bilbo betetzen saiatuko den herri manifestazio orokorraren aurkezpena egin du Herrira mugimenduak.
Herrirako kideek, manifestazioaren bultzatzaileekin batera, isilean burutuko den martxa arratsaldeko 17.30ean La Casillatik abiatuko dela zehaztu dute, «Giza Eskubideak. Irtenbidea. Bakea. Euskal Presoak Euskal Herria», lelopean.
Deialdiaren inguruan sortutako webgune berezia ere aurkeztu egin dute: urtarrilak12.com.
Bultzatzaileen izenean Esther Compains medikuak eta Eba Ferreira Athleticeko jokalari ohiak irakurritako adierazpenean nabarmendu dutenez, «urte asko daramatzagu gatazkaren ondorio larriak pairatzen», baina azken garaiotako gertakariek «tunelaren bukaerako argi-printzarekin» amesteko aukera eman dutela argitu dute.
«Bakegintzan sakontzeko oinarri sendoa ezarri du, batetik, Donostian egin zen nazioarteko Bake Konferentziak, eta, bestetik, bertan sinatutako adierazpenari erantzunez, ETAk behin betiko armak uzteko hartutako erabakiak. Orain guztion ardura da irekitako prozesuari hauspoa ematea», azpimarratu dute.
Zentzu horretan, «ezinbestekotzat» jo dute gatazkaren ondorioz preso edo erbesteratuta dauden herritarren egoeran arreta jartzea. Haien giza eskubideak bete eta gatazkarean konponbidean aurrera egiteko, hainbat aldarrikapen plazaratu dituzte: euskal preso eta iheslarien Euskal Herriratzea, gaixotasun larriak dituzten presoen askatzea, zigorren luzapena dakarten neurriak bertan behera uztea eta preso eta pertsona gisa dagozkien eskubideak errespetatzea.
Hain zuzen, eskaera horiei bultzada emateko bildu dira mobilizazioaren sustatzaileak, eta dei egin diote jendarte osoari urtarrilaren 12an kalera ateratzeko. «Bilboko kaleak bete behar ditugu, herritar uholdeak Madril eta Pariseraino eraman dezan konponbidearen aldeko olatua».
Manifestazioa bultzatzeko beren beregi egindako kopla eta marrazkiei gehitu zaien abestia gogoan hartu ondoren, deialdi berezia egin diete alderdi politiko eta gizarte eragileei, publikoki eman diezaioten atxikimendua mobilizazioari.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)