Cesar Augusto Montaña Lehman, Def con Dos taldeko burua, «terrorismoa» goratzea egotzita epaitu egingo du Audientzia Nazional espainolak.
Twitter sarean eginiko sei komentario eta bertxio batengatik auziperatu egin zuten Strawberry, baina iragan urrian Jose de la Mata epaileak auzia artxibatu egin zuen, adierazpenok bere «estetika probokatzaile, ironiko eta sarkastikoaren» baitan egin zituela iritzita. Kantariak arteaz duen «ikusmolde berezia» aipatu zuen epaileak.
Hala ere, Fiskaltzak jarri zuen helegitea partzialki onartu egin du Auzitegi Nazionaleko 4. Zigor Aretoak eta artxibatzea baliogabetu du, De la Matari kantaria epaitzeko agindua emanez. Angela Murillo, Teresa Palacios eta Juan Francisco Martel epaileen iritziz, Strawberryren txioak ezin dira «kulturaren eta iritzi propioaren defentsaren testuinguruan» kokatu, baizik eta «gorrotoaren diskurtsoan».
Espainiako Erret familiaren aurka eginiko ustezko irainen atalaren artxibatzeari dagokionean, babesa eman diote De la Mataren erabakiari.
Hortaz, «terrorismoa goratzeagatik» jesarri beharko da Strawberry erruztatuen aulkian.
Pradales invita a Muguruza a un debate «honesto» tras la polémica por su actuación en Martutene
«Hay que aprovechar los momentos políticos favorables para la denuncia de la tortura»
El Parlamento Europeo no ovacionó el lanzamiento de misiles estadounidenses contra Rusia
Suspenden el Maratón de Donostia por las fuertes rachas de viento
