Bizkaiko Bertsozale Elkarteak jakinarazi duenez, Jon Enbeita muxikarrak jantziko dio txapela aurtengo Bizkaiko Bertsolari Txapelketako irabazleari. Heldu den larunbatean jokatuko da finala Bilbon, arratsaldeko 17.00etatik aurrera. Miren Amuriza, Nerea Ibarzabal, Jone Uria, Xabat Galletebeitia, Etxahun Lekue, Onintza Enbeita, Eneko Abasolo eta Aitor Bizkarra ariko dira aurrez aurre.
Enbeita aukeratuta, bere ibilbidea saritu nahi izan du Bertsozale Elkarteak. 1950ean jaio zen Jon Enbeita, Muxikan. Hiru urterekin aita Balendin Enbeitak zuzendutako antzerki baten kopla bat kantatu zuen lehenengoz eta han hasi zuen ibilbide oparoa: bost bider kantatu du Euskal Herriko Txapelketa Nagusiko finalean (1980 –bigarren egin zuen–, 1982, 1986, 1989 eta 1993an); beste bost aldiz izan da Bizkaiko finalean eta horietatik birritan izan da Araba-Bizkaiko txapeldun (1987, 1990 –txapeldun–, 1992 –txapeldun–, 1994 eta 1996an). Bertso idatzietan ere sari ugari jaso ditu.
Musikaren munduan ere ibilbide oparoa izan du bere gitarra eskuetan. Horrela, 17-18 urterekin hasi zen bere kontura gitarra ikasten, eta Euskal Herri osoan ibili da bakarlari moduan. Hainbat disko ere grabatu ditu, haietako azkena iaz.
Larunbatean Bilbao Arenako oholtzara igoko da, txapeldunari txapela janztera.
«La ministra Robles me dijo que pasemos página, que nos olvidemos del ‘caso Almería’»
«Si a mi mujer le llega a patear un ultra habrían salido todos en tromba a condenar»
Donostia colocará una placa por Mikel Zabalza a las puertas del cuartel de Intxaurrondo
El Monumento a los Caídos de Iruñea abre sus puertas por un día
