Bilbon eginiko agerraldi batean, ‘Harro!’ plataformaren jaiotzaren berri eman dute, EHGAM, Hiruki Larroxa Kolektiboa, Guztiok, Ozen!, Intifada Marika, Sare Lesbianista, Iris Proiektua, Euskal Hartzak, Lumagorri eta beste militante batzuek osatzen dutena.
Azaldu dutenez, «bizi dugun kapitalismo aseezin honek iraultzaileena ere irensten du, eta pinkwashing-aren bitartez LGTB mugimendua instrumentalizatzen ari da progresismo plantak egiteko».
Euskal Herriko zein nazioarteko hainbat adibide aipatu ondoren, azpimarratu dute azken urteotan kapitalismo hori bera «lur ongarritua» ere izan dela faxismoarentzat.
Egoera horiei guztiei aurre egiteko «esparru politiko koherente eta kritikoak sortzeko eta elkar sostengatu eta koordinatuz erantzun material bat emateko beharretik» sortu da, hain zuzen, ‘Harro!’ plataforma.
«Gure helburuak –zehaztu dute– Euskal Herrietako kolektibo desberdinen artean lan eta zaintza sareak sortzea, memoria historikoa bildu eta kontserbatzea eta erasoen aurrean erantzun erreal bat ematea dira».
Datorren ekainaren 15ean egingo dute aurkezpena, Donostiako Urgull mendiko Guardetxean, eta bertaratzeko gonbitea egin dute.
Así eran los 318 muertos a manos policiales o ultras en la alabada «Transición española»
La alcaldesa de Castejón, de UPN, prohíbe usar el carbunclo pomelado tras vincularlo con ETA
Polígono de Tiro de Bardenas, «medioambientalmente sostenible» según el Ejército español
El portavoz del PNV en Getxo abre una crisis tras acusar al personal de una pérdida millonaria
