BBK-k eta Bilbao BBK Live jaialdiak datozen uztailaren 11n, 12an eta 13an, Bilboko Kobetamendi parke naturalean, izango den hurrengo ediziorako ingurumen eta jasangarritasuneko ekintza ildoak aurkeztu dituzte asteazken honetan.

Jaialdia eta Fundazioa elkarlanean ari dira, edizioz edizio, ekitaldiak ingurumenean duen eragina murrizteko eta gizartean, kulturan eta ekonomian duen eragin positiboa areagotzeko, aipatu dutenez. Hartu dituzten neurrien artean, hobekuntzak egin dituzte lur-eremua egokitzeko, bai jaialdira etortzen direnentzat, baita bertakoentzat ere.

Aurreikuspenen arabera, uraren kontsumoa %40 bat murriztuko dute, esaterako, orain arte erabiltzen zuten hornidura higieniko-sanitarioa aldatu eta ura birzirkulatzeko sistema eraginkorragoa erabiltzen duen beste bat jarri dugulako.

Bestalde, plastiko guztia kendu dute agertokietatik. Agertoki nagusia landare biziekin estaliko da, eta gero birlandatu egingo dira. San Migel agertokia ezkata itxurako konposizio batekin apainduko da, zapakinez eta algaz egindako biomaterial bat erabilita. Garagardoa egitean sortzen diren hondakinak alga estraktuekin kozinatzen dira, eta biolarru jasangarri eta biodegradagarri bat sortzen da. Banan-banan egiten dira, eta ia 100 m2-ko azalera hartuko dute.

Ezkatak fabrikatzeko prozesuak zero hondakin sortzen du; beraz, karbono-aztarna positiboa uzten du, aipatu dutenez.

Lewis OfMan, Alcala Norte eta Gabrielle Kwarteng

Datorren edizioko kartela itxita dauka BBK Live jaialdiak. Baita ordutegiak eta artistak agertokien arabera nola banatzen diren zehaztuta ere, Bereziak jaialdiaren programazioa aurkeztearekin batera. Azken egitarau hau egunero egiten da goizez Bilbon, sarrera librearekin.

Shygirl presents Club Shy, Lewis OfMan, Alcala Norte, Gabrielle Kwarteng, Stivijoes, Alba Morena, Arcade Fire, Jungle, Massive Attack, The Prodigy, Underworld, Khruangbin eta Parcels taldeak iragarri dira aurten. JPEGMAFIA, Zoe Gotusso eta Bored Lord taldeen kontzertuak bertan behera geratu dira.

«Bilbao BBK Live belaunaldien arteko bidaia izango da beste behin ere, azken garaietan markatutako soinu eta ikonoen artean. 2011ko edizioaz geroztik gertatzen ari den bezala, musika guztia ez da Kobetamendiko garaietatik bakarrik entzungo. Bereziak indartsu dator aurten ere, sarrera libreko hiru kontzertu jardunaldirekin, hiriguneko hainbat puntutan dauden publiko guztientzat», adierazi zuten aurkezpenean.

Bereziak Industria Sortzaileak Fundazioaren proiektua da, eta Bilbao BBK Liverekin batera, musikarekin, kulturarekin eta aniztasunarekin duten konpromiso hautsiezinari eusten diote. «Proiektu sozial hau sendotu egiten da jaialdiaren mugak gainditu eta aldaketa sozialerako katalizatzaile bihurtuko den esperientzia paregabea sortzeko helburuarekin, herritar guztien partehartzea sustatuz eta eragiten duen komunitateari balioa emanez», zioten.

Programazioarekin hasteko, uztailaren 11n, osteguna, Martin Urrutia arituko da BBK Aretoab, ostiralean, hilak 12, eta larunbatean, hilak 13, hiru agertokitan banatutako proposamenarekin jarraitzeko: Vueling Torres Isozaki, St. Petroni Albia eta San Migel Areatzako lorategiak. Azken honek bingo musikala hartuko du. Bertan, DJ batek kontzertuen arteko itxaronaldia girotuko du Bilbao BBK Liveren historiako hits handien errepasoaren bidez.

Bigarren jardunaldi musikala oso eklektikoa izango da eta goiz eta eguerdi osoan zehar, Chancha via Circuito taldearen world music latinoamerikar elektronikaz gozatu ahal izango da, «Kyne eta Oddliquorren R & B-tik hurbilen dauden erritmo hiritarrenetatik pasatuz, gitarrak ahaztu gabe, La Habitacion Roja ezinbestekoei, Parquesvr beti lotsagabeei eta Iñesta, Repion ahizpek osatutako bikote elektrizanteari esker».

Bestalde, larunbatean, hilak 13, hirugarren eta azken egunean, Bilboko erdigunea Nudozurdoren azken urteetako itzulirik ospatuenetako baten lekuko izango da, Morreoren pop elektronikoaz gain, Lisasinson riot girrrls, Samuraikoren comeback pop-punk berria eta Barry B eta Teo Lucadamoren barra beti zorrotz eta itsaskorrak.

Grace Jones

Grace Jonesen izena nabarmentzen da aurtengo kartelean. «Historiako artista berezi eta ikonikoenetako bat gehitu zaio kartelari: Grace Jones. Jamaikan jaioa eta New Yorken hazia, Grace underground bitxienaren ikurra da, Studio 54 mitikoaren antzekoa, eta zinemaren, modaren eta musikaren artean etengabe oinarritzen dena. Grace Jones Bilbao BBK Liven izango da, Slave to the Rhythm edo Corporate Cannibal bezalako dantza-hits monumentalak aurkezten», iragarri zuten antolatzaileek.

Horrez gain, AIR talde frantziarra Bilbao BBK Live 2024an izango da ‘Moon Safari’ disko ikonikoa jotzen, soinu elektronikoen eta atmosfera sentsual, sofistikatu eta hunkigarrien fusio paregabea; eta larunbatean Slowdive ikono britainiarrak, soinu-engranaje inguragarrienen eta klima oniriko bizienen sortzaileak.

Planetak ere bertan izango dira, ‘Super 8’ lanaren 30 urteak ospatzeko kontzertu berezi batean. Bertan, indie rock estatalean egin duten bidea errepasatuko dute.

Arcade Fire, Jungle, Massive Attack, The Prodigy eta Underworld ere Kobetamendin arituko dira. Gainera, Airu, Alvvays, Los Bitchos, El Columpio Asesino, Cymande, Death from Above 1979, Derby Motoreta's Burrito Kachimba, Ezra Collective, Floating Points, Folamour A/V, Jimena Amarillo, Jordan Rakei, Jpegmafia, Khruangbin, Mulatu Astatke, Nerve Agent, Noname, Overmono, Parcels, Queralt Lahoz, Ralphie Choo, Sen Senra, Shinova eta Zea Mays ere izango dira jaialdian.

Sarrerak eskuragarri eta informazio gehiago webgunean.