Hezitzaileei zuzendutako inklusioaren aldeko gida kaleratu du FEVAS adimen edo garapen urritasuna duten pertsonen eta beraien familien eskubideen alde lan egiten duten erakundeek osatutako elkarteak. Zuzendutako dokumentuaren xedea gogoetara bultzatzea eta eskola inklusiborako bidean aurrera egitea da.

Gida hiru funts nagusitan oinarritzen da: inklusioa ikasleen eskubide gisa; hezkuntza eredu hori jendarte inklusiboa eta kohesionatua lortzeko zutabe gisa; eta, azkenik, hezkuntzak haur guztiei ikasketarako eta garapenerako aukera berberak eman behar dizkiola sinestea.

Besteak beste APNABI-Autismo Bizkaiarekin zein EHUrekin elkarlanean osatutako lanak gai hauek lantzen ditu: esklusiotik inklusiora doan bidean emandako pausoak; inklusioa filosofia orientatzaile gisa; inklusioa sustatzeko gakoak eta baliabideak; eta familiak eta ikasleak hezkuntzako eragile aktibo gisa.

Gida eskuratzeko: klik hemen