LEHENENGO ERA
Osagaiak 4 lagunentzat
Uraza desberdinak eta kimu freskoak, 12 galeper arrautza, 80 g urdaiazpiko ondu, 6 antxoa oilotan, 50 g gazta krema, 3 koilarakada olio, koilarakada bat ziape. Saltsa: 6 koilarakada olio, koilarakada bat ozpin, gatza.

Zailtasuna                   1            

1. Arrautzak 2 minutuz egosi. Freskatu eta zuritu.
2. Uraza eta kimuak garbitu, ondo xukatu eta zatitu.
3. Antxoak uretatik pasatu. Antxoak eta ur pixka bat irabiagailuarekin nahasi eta txanotik pasatu. Gaztarekin, olioarekin eta ziapearekin nahasi.
4. Saltsaren osagaiak irabiatu eta uraza eta kimuekin nahastu.
Plateretan antxoa krema, urazak, arrautzak eta urdaiazpikoa jarri.

BIGARREN ERA
Osagaiak 4 lagunentzat
Uraza desberdinak, tomate bat, 16 galeper arrautza, 80 g urdaiazpiko ondu, sagar bat, sesamo beltza, 50 g kakahuete. Saltsa: 10 koilarakada olio, 3 koilarakada ozpin, koilarakadatxo bat ziape, gatza.

Zailtasuna                       1

1. Arrautzak 2 minutuz egosi, freskatu eta zuritu. Olioz igurtzi eta sesamotik pasatu.
2. Urazak garbitu eta zatitu.
3. Tomatea zuritu eta dadotan moztu.
4. Sagarra zuritu eta birrindu.
5. Kakahueteak txikitu.
6. Saltsaren osagaiak irabiatu eta urazarekin nahastu.
Plateretan uraza jarri eta gainean beste osagaiak.