Mikel Caballero, Gatibu taldeko baxu jotzaile ohia, hil da ostiral honetan Mexikon, bat-batean, ‘Geuria’ atariak jakinarazi duenez. 57 urte zituen musikari basauriarrak eta musika munduan ibilbide luzea izan du.
Iturri berdinaren arabera, Mexikora egun batzuetarako joana zen Caballero eta bertan zendu da.
2002tik 2022ra Gatibu talde bizkaitarreko baxu jotzailea izan zen musikari basauriarra. Alex Sardui, Haimar Arejita eta Gaizka Salazarrekin batera abiatu zuen proiektua mende hasieran eta haiekin guztira hamar lan kaleratu zituen. Caballerok 2022an utzi zuen taldea.
Aurretik, Cartoon Band, Noiz?, Maxia eta Insert Beat taldeetan ere aritu zen. Era berean, EraBatera supertaldeko kide izan zen, Gaizka Salazar (Gatibu), Beñat Serna (Ken Zazpi) eta Jurgi Ekiza (Willis Drummond) musikariekin batera. Taldeak bi lan argitaratu zituen, Antipodetan (2018) eta Izpi galdua EPa (2021) Gaur egun, Peatones proiektuan zebilen.
Sare sozialetan oroimen mezuak pilatu egin dira, alor ezberdinetako norbanako eta eragile ugariren eskutik.
🖤 Gugan bego, Mikel!
— Athletic Club (@athletic_eus) February 10, 2024
Besarkada handi bat @gatibu-ko baxu-jotzailea izandakoaren familia eta lagunei.#AthleticClub 🦁 pic.twitter.com/1D9LEB0xnh
Speed, el tiktoker con 28 millones de seguidores «corneado» por la Policía Foral en la Plaza
Casi todos los incidentes imaginables se suceden en un encierro de la villavesa lento e irreal
Dos bestazales violentamente atacadas por defender a un hombre de una agresión
Hallan el cadáver de la que podría ser la ballena más rara del mundo en Nueva Zelanda
