LEHENENGO ERA
Osagaiak 4 lagunentzat
4 berdel, kuiatxo bat, 2 patata, baratxuri ale bat, 100 ml soja saltsa, koilarakada bat ezti, lima bat, olioa, gatza.

Zailtasuna                        2              

1. Patatak 20 minutuz egosi. Zuritu eta 16 dadotan moztu.
2. Kuiatxoa garbitu eta 16 xerratan moztu.
3. Berdelak garbitu eta xerrak atera. Azala eta hezurrak kendu eta xerra bakoitza lau zatitan moztu.
4. Soja, eztia, txikitutako baratxuria, limaren zukua eta azal pixka bat nahastu.
5. Txitxiburduntzi bakoitzean 2 dado patata, 2 xerra kuiatxo eta 4 zati berdel jarri. Aurreko saltsan sartu eta 30 minutuz utzi.
6. Plantxa batean txitxiburduntziak erre, bi aldeetatik.

BIGARREN ERA
Osagaiak 4 lagunentzat
4 berdel, 16 barrengorri txiki, piper gorri bat, 2 baratxuri ale, ardo zuri, olioa, perrexila.

Zailtasuna                        2              

1. Berdela aurreko errezetan bezala prestatu.
2. Barrengorriak garbitu eta osorik utzi.
3. Piperra garbitu eta 16 dadotan moztu.
4. Baratxuriak eta perrexila txikitu eta zurrusta bat ardo eta olioarekin nahastu.
5. Txitxiburduntzi bakoitzean 2 barrengorri, 2 zati piper eta 4 zati berdel jarri. Saltsarekin igurtzi eta 30 minutuz utzi.
6. Plantxa batean txitxiburduntziak erre, bi aldeetatik.