Osagaiak 4 lagunentzat
Kilo bat zerba, tipula laurdena, baratxuri ale bat, 100 g hirugihar, irina, arrautza, olioa, gatza. Tomate saltsa: tipula bat, sagar bat, baratxuri ale bat, 400 g tomate heldu, olioa, gatza.
Zailtasuna 3
Zerben atal zuria eta berdea banandu.
Atal berdea:
1. Zerbak garbitu eta ondo txikitu. Eltze bat urez bete, gatza bota, eta irakiten jarri. Zerbak sartu eta 15 minutuz egosi. Ondo xukatu.
2. Txikitutako tipula eta baratxuria olio pixka batekin erregosi.
3. Txikitutako hirugiharra eta zerbak gehitu eta arin erregosi.
Atal zuria:
1. Atal zuriei hariak kendu eta 5 cm-ko zatitan moztu.
2. Eltze batean ur ugari eta gatza irakiten jarri. Atal zuriak gehitu eta 15 minutuz egosi. Ur hotzetan freskatu eta xukatu.
3. Irineztatu eta irabiatutako arrautzatik pasatu.
4. Zartagin batean olio ugari berotu eta zerbak frijitu. Paper baten gainera atera.
Tomate saltsa:
1. Eltze batean zerrendatan moztutako tipula, baratxuria eta sagarra olio pixka batekin erregosi.
2. Tomateak garbitu eta zatitu. Barazkiak egina daudenean, tomatea erantsi eta 20 minutuz erregosi, su eztitan. Gatza bota.
3. Irabiagailuarekin nahasi eta txanotik pasatu.
Plateretan saltsa jarri eta gainean berdea. Zuriarekin apaindu.
«Guk badaukagu hemen gospel propio bat izugarri aberatsa dena»
La Mano de Irulegi ya se puede visitar en el Museo de Nafarroa con nueva posible interpretación
Marrazo muturluze bat markatu du Aztik lehen aldiz Bizkaiko Golkoan
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
