LEHENENGO ERA
Osagaiak 4 lagunentzat
600 g izokin, 8 txipiroi, 16 tomate cherry, kuiatxo txiki bat, 2 baratxuri ale, limoi erdia, olioa, gatza.

Zailtasuna                        2              

1. Izokinari azala eta hezurrak kendu eta 16 dadotan moztu.
2. Txipiroiak garbitu eta erditik moztu.
3. Tomateak garbitu eta osorik utzi. Kuiatxoa garbitu eta 16 zatitan moztu.
4. Broxeta bakoitzean 2 izokin dado, 2 txipiroi zati gehi burua, 2 tomate eta 2 kuiatxo zati jarri. Gatza bota.
5. Baratxuriak, limoi zukua eta zurrusta bat olio irabiagailuarekin nahasi. Broxetak igurtzi.
6. Plantxa bat olio pixka batekin berotu eta broxetak erre, bi aldeetatik.

BIGARREN ERA
Osagaiak 4 lagunentzat
400 g izokin, 12 txipiroi, 16 barrengorri txiki, piper gorri bat, olioa, gatza.

Zailtasuna                        2              

1. Izokinari azala eta hezurrak kendu eta 8 dadotan moztu.
2. Txipiroiak garbitu eta erditik moztu.
3. Barrengorriak garbitu eta osorik utzi. Olio pixka batekin arin erregosi.
4. Piperra garbitu eta 24 dadotan moztu.
5. Broxeta bakoitzean zati bat izokin, 3 txipiroi zati gehi burua, 2 barrengorri eta 3 piper zati jarri. Gatza bota.
6. Plantxa bat olio pixka batekin berotu eta broxetak erre.