Osagaiak 4 lagunentzat
12 kaneloi xafla. Betegarria eta saltsa: 2 tipula, azenario bat, porru bat, 2 baratxuri ale, tomate heldu bat, kilo bat txahal buztan, 50 g txokolate beltz, 100 ml ardo zuri, 400 ml salda, olioa, piperbeltz beltza, ezkaia, gatza. Baratxuri ale bat, 50 g tipulina, 300 g perretxiko desberdin, olioa, gatza, piperbeltz beltza.

Zailtasuna                                 3

1. Kazola batean ur ugari eta gatza irakiten jarri. Irakiteko puntuan dagoenean, kaneloi xaflak banaka sartu; noizean behin mugitu.
2. Hamar minutuz egosi. Atera eta ur hotzetan busti. Xukatu.
Betegarria:
1. Buztana garbitu eta zatitu. Gatza eta piperbeltz beltza bota.
2. Zartagin batean olioa berotu eta buztana gorritu. Atera.
3. Barazkiak zuritu, garbitu eta zerrendatan moztu. Eltze batean barazkiak eta olio pixka bat jarri eta 5 minutuz erregosi.
4. Buztana sartu, ardoa bota eta eragin. 2 minutuz egosten utzi.
5. Salda bota eta ordu betez egosi.
6. Buztanari hezurrak kendu.
7. Barazkiak eta txokolatea irabiagailuarekin nahasi eta txanotik pasatu.
Perretxikoak:
1. Txikitutako tipulina eta baratxuria oliarekin erregosi.
2. Zatitutako perretxikoak gehitu eta erregosi. Gatza eta piperbeltz beltza bota.
Bukatzeko:
1. Kaneloiak nahastearekin bete.  Azpil batean perretxikoak eta kaneloiak jarri eta labean berotu.
2. Plateretan jarri eta saltsarekin estali.