‘Best Tourism Villages’ (Herri Turistiko Onenak) ekimenean parte hartzeko eskabideak egin daitezke maiatzaren 19ra arte. Irabazleak urteko hirugarren hiruhilekoan iragarriko dira.

Ekimena 2021ean sortu zen honako helburu honekin: turismoa tresna gisa baliatu landa garapena bultzatzeko eta ongizatea eta erresilientzia bultzatzeko. Landa-paisaiak, kultura-aniztasuna eta ezagutza-sistemak balioesteko eta zaintzeko egindako ahaleginei esker, ekimenak turismo-estrategia berritzaileak sustatu nahi ditu, Garapen Jasangarriaren Helburuekin bat etorriz.

Ekimenak hiru modalitate ditu. Lehenengoa herri turistiko onenei ematen zaien aintzatespena da. Ondare kultural eta naturala, komunitatean oinarritutako balioak eta jasangarritasun-praktikak babesten dituzten landa-turismoko ekimenei ematen zaie.

‘Upgrade’ programa

Bigarren modalitatea ‘Upgrade’ programa da, errekonozimendua lortzeko irizpideak erabat betetzen ez dituzten herrixkei laguntza espezifikoa ematen diena.

Eta azkenak ‘Best Tourism Villages’ ekimenean dagoeneko sarituak izan diren herrietako ordezkariak eta ‘Upgrade’ programan parte hartzen dutenak biltzen ditu.

Hautagaitzak nazioarteko aholku-batzorde independente batek aztertuko ditu. Batzorde hori hainbat arlotako adituek osatuko dute, bederatzi arlotatik abiatuta; besteak beste, iraunkortasuna, azpiegitura, gobernantza edo segurtasuna.

2021ean sortu zenetik, NBEko Turismoak 100 herrialdetako 800 eskaera baino gehiago jaso ditu.