Dominek ihes egin dute
Gaztediko nesken taldeak laugarren postuan amaitu zuen, hirugarrenerako lehia Suitzarekin galduta.
![](/media/asset_publics/resources/000/430/888/article_main_landscape/0923_kir_p040f01.jpg)
Oso gertu izan dute euskal tiralariek Europako Txapelketako lehen domina, baina azkenean kluben mailako amaierako jardunaldian ere dominarik gabe geratu dira, eta lanen erdiak amaitu direnean, Euskal Herriko ordezkariek dominarik lortu gabe jarraitzen dute.
Emakumezkoen Gaztediko taldeak laugarren amaitu zuen, lan bikaina egin ostean. Hirugarren posturako borroka horretan Suitzako talde baten aurka lehiatu ziren, baina bizkaitarrek ezin izan zuten garaipenik lortu eta amaieran gertu izan zuten arren, saririk gabe geratu ziren, selekzioen mailan lortuko dutelako itxaropenarekin. 560koan neurtu ziren atzo neskak.
Mutilak 640koan aritu ziren, baina haiek ezin izan zuten finalerdietaraino iritsi. Mutriku, Gaztedi eta Goiherri aritu ziren 640ko mailan, eta hiruren artean Erandioko Goiherri izan zen ongien aritu zena, baina hauek ere ez zuten ondu beste taldeen lanik. Mistoek ere izan zuten atzokoan lana, eta hemen lau mutil eta lau neskako taldean aritu behar izaten dute. Goiherri jardun zen 600eko mailan, baina kluben mailako Europako Txapelketa dominarik lortu gabe itxi dute euskal klubek.
Gaur nazio mailakoa hasiko da, eta hor Euskal Herriko selekzioa arituko da, eta proba guztietan hartuko du parte. Gizonezkoek 9.30ean izango dute aurreneko zita, eta bertan 680ko mailan arituko dira. 14.00etan, berriz, 560koan mutilak hasiko dira, eta neskak 14.30ean hasiko dira, 520ko mailan aritzeko. Azkeneko bi maila hauetan izango dituzte euskal tiralariek aukerarik gehien, nahiz eta selekzioen lehiaketan ere ez den erraza izango dominak lortzea. Hala ere, ahaleginaren faltarik ez dute izango.
Aizkora
Uharte (Iruñerria) Toki Alai pilotalekuan jokatuko da bihar arratsaldean, 17.30ean, Nafarroako Lehen Mailako aizkolarien kanporaketa. Erasunek eta Senosiain II.ak uko egin diote parte hartzeari, eta ondorioz bi hauek galduko dute Lehen Maila eta datorren urtean Bigarren Mailan aritu beharko dute.
Horrek bihar lehiatuko diren aizkolari batzuei lasaitasun handia emango die, ez baita inor jaitsiko, eta horrek beste indar bat emango die. Aurreneko bost sailkatuek, berriz, finala jokatuko dute azaroaren 17an Donezteben. Bihar honako hauek arituko dira lehian: Iker Vicente, Juanjo Lopez, Ruben Saralegi, Jon Rekondo, Donato Larretxea, Julen Kañamares, Mieltxo Mindegia eta Joxean Etxeberria. Aizkolari bakoitzak, bi kana-erdiko, bi 60 ontzako eta oinbiko bat erdibitu beharko ditu.
Pasa den astean jokatu zen Euskal Herriko Lehen Mailako kanporaketa eta han Vicente gailendu zen, eta gaurko kanporaketa hau irabazteko ere bera izango da faborito nagusia, nahiz eta denen aurreneko helburua Doneztebeko finalean aritzeko txartela lortzea izango den.
Bestalde, Urrezko Aizkorako Kopa ere abiatu da, eta gaur 12.30ean Bilboko Zorrotza auzoan jokatuko da bigarren kanporaketa eta bertan Luix Txapartegi eta Eneko Otaño lehiatuko dira. Aizkolari bakoitzak zortzi kana-erdiko erdibitu beharko ditu. Kanporaketa oso polita izango da, bi gipuzkoarren artekoa, eskarmentua eta gaztetasuna neurtuko baitira. Otañok Lehen Mailako kanporaketan itxura oso ona eman zuen, eta Txapartegi, berriz, Euskal Herriko Hirugarren Mailako finala buruan duela ibiliko da, iaz galdutako maila berreskuratzeko asmoarekin.
![0827_artefaktua_ilegaliza](/media/asset_publics/resources/001/149/722/article_thumb_horizontal/0827_artefaktua_ilegaliza.jpg)
La Ertzaintza cierra las sedes de Batasuna
![0828_mun_castets](/media/asset_publics/resources/001/150/521/article_thumb_horizontal/0828_mun_castets.jpg)
Mélenchon convoca contra Macron y otros partidos de izquierda le dan portazo
![0829_artefaktua_tturko](/media/asset_publics/resources/001/150/728/article_thumb_horizontal/0829_Artefaktua_tturko.jpg)
Juan Mari Ormazabal, ertzainek hildako lehen ETAkidea
![0829_eg_oyarzabal](/media/asset_publics/resources/001/150/796/article_thumb_horizontal/0829_eg_oyarzabal.jpg)
El Glorioso saca petróleo de una Real víctima del «fútbol moderno»
![0830_eg_pradales](/media/asset_publics/resources/001/151/183/article_thumb_horizontal/0830_eg_pradales.jpg)