Munduko Gimnastika Txapelketa jokatzen ari dira egunotan Alemaniako Sttutgart hirian, eta atzo emakumezkoen taldekako lehiaketaren txanda izan zen. Ameriketako Estatu Batuetako selekzioak pronostikoak goitik behera bete zituen, 172,330 punturekin bosgarren urtez jarraian urrezko domina eskuratuz. Bigarren postua Errusiarentzat izan zen (166,529) eta hirugarrena Italiarentzat (164,796). Eta talde irabazlean Simone Biles nabarmendu behar da berriz ere. Bera izan zen lau aparatuetan aritu zen bakarra eta hirutan eguneko nota onena jaso zuen. Bi hanka eta bi beso ditu, baina ez dira nolanahikoak.

Argazkia: Lionel BONAVENTURE ! AFP PHOTO