Mossos d’Esquadra-ko sei agentek espetxe zigor arinak jaso dituzte gazte baten kontrako eraso arrazista bategatik. Gazteak berak jasotako jipoiaren eta irainen audioa grabatu ahal izan zuen. Govern-eko Barne Sailburutzak adierazi du kondenatutako agenteak kanporatuak izan direla. Ongi. Mossoen ultraeskuindartzeak, ordea, egiturazko erabakiak exijitzen ditu, eta gauza bera esan daiteke Europako polizia gorputz ugariri buruz. Zenbat eraso arrazista (eta bestelako) geratu dira zigorrik gabe, biktimak edo beste norbaitek ez duelako grabatzeko senik izan?