Arnaldo Otegi, Rafa Diez eta ezker abertzaleko beste zortzi kide atxilotu zituzten gaur 14 urte
Garzon epaileak 2009ko urriaren 13an baimendu zuen ezker abertzaleko hamar ordezkari atxilotu zituen sarekada bat. Arnaldo Otegik, Rafa Diezek, Sonia Jacintok, Miren Zabaletak eta Arkaitz Rodriguezek sei eta sei urte eta erdi arteko espetxe zigorrak bete zituzten azkenean.
![Arnaldo Otegiren atxiloketa, 2009an.](/media/asset_publics/resources/001/039/183/article_main_landscape/otegi-bateragune.jpeg)
Arnaldo Otegi, Rafa Diez, Rufi Etxeberria, Sonia Jacinto eta Arkaitz Rodriguez eskuburdinak jarrita atera ziren Donostiako LABen egoitza nagusitik, gaur duela 14 urte. Txelui Moreno, Mañel Serra, Amaia Esnal, Ainara Oiz eta Miren Zabaleta ere atxilotuko zituzten Euskal Herriko beste toki batzuetan, Baltasar Garzon epaileak zuzendutako operazio batean.
Otegi lasai eta irribarretsu sartu zen polizia-autoan, 21.05ak aldera bertan bildutako pertsonen babesa eskertuz. Atxiloketak ordu batzuk lehenago izan ziren, zehazki 18.30ean, espainiar Poliziaren agenteak LABen egoitzan sartu zirenean. Sindikatuko langile guztiak identifikatu, hormaren kontra jarri eta gela berean atxiki zituzten ordu luzez. Horien artean zegoen Rafa Diez Usabiaga. Ondoren, espainiar Poliziak iritziz aldatu zuen eta Jacinto, Otegi, Etxeberria eta Rodriguez atxilotuta zituen gelara eraman zuen.
Atxiloketen berri zabaltzen joan zen, eta herritar asko haserre agertu ziren atxiloketengatik eta atxilotuekiko elkartasuna adierazteko. 20.00ak aldera iritsi ziren egoitzaren barnetik lehen albisteak. Atxikita zeuden langileak atera ahal izan ziren eta, horrela, atxilotuta zeudenen nortasuna baieztatu ahal izan zuten.
21.30ak aldera, bost atxilotuak lekualdatu ondoren, espainiar Poliziak dispositiboa jaso eta alde egin zuten mespretxuzko oihu artean. Hiru egun geroago, Arnaldo Otegi, Rafa Diez, Sonia Jacinto, Miren Zabaleta eta Arkaitz Rodriguez kartzelan sartu ziren, sei eta sei urte eta erdi arteko zigorrak betetzeko.
![0810_kalifornia03](/media/asset_publics/resources/001/144/491/article_thumb_horizontal/0810_kalifornia03.jpg)
Udaleku, diasporako euskal-amerikar gaztetxoen topagunea Kalifornian
![0810_portada1](/media/asset_publics/resources/001/144/537/article_thumb_horizontal/0810_portada1.jpg)
Hemingway, Euskal Herria eta euskal Herritarrak
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)