1915eko irailaren 30ean jaio zen Baionan Gloria Alcorta Mansilla idazle eta poeta. Rodolfo Alcorta margolariaren eta Rosa Mansilla Ortiz de Rozas senar-emazteen alaba gazteena zen Gloria, baita Eduarda Mansilla idazlearen biloba ere.

Bere lehen lana frantsesez idatzitako ‘La prison de l 'enfant’ poema liburua izan zen, 1935ean argitaratua eta Borgeseko prefazio bat izan zuena.

Geroago, bere ‘Visages’ eta ‘Le Seigneur de Saint Gor’ antzezlanak saritu zituzten Parisen. Baina 1958an irabazi zuen ospea artista gisa, ‘El hotel de la luna’ kontakizun-bildumarekin. Lan horretan, ‘belle époque’ delakoko buenosairestar oligarkiaren gainbehera erakutsi zuen. “La Nación y Sur” eta “Le Figaro” egunkari eta aldizkarietan kolaboratu zuen.

Bere lanetan agertzen zuen oligarkiaren bizimoduaren kritika sozialak etsai ugari eragin zizkion, Victoria Ocampo tartean, kontakizun horretan bere pertsonarekiko iraina ikusi zuena. Ondorioz, Focarteen Funts Nazionaletik diru-laguntzak kendu zitzaizkion. Jazarpenaren ondorioz, ezin izan zuen bere karrerarekin jarraitu, ez eta beste argitaletxe batean lan egin ere.

Alberto Girondo Uribururekin ezkondu zen eta hiru seme-alaba izan zituen: Marina, Cristina eta Alberto.

2012ko otsailaren 25ean hil zen Argentinako hiriburuan 96 urte zituela.