‘Dragoi-jagolea’ filma pantailetara helduko da ostiralean, Zinema Euskaraz programaren barruan
Aste honetan, ‘Dragoi-jagolea’ filma helduko da Hego Euskal Herriko zenbait zinema aretotara, Zinema Euskaraz programazioaren barruan. Animaziozko filma hiriburuetako zenbait zinematan ikusi ahal izango da, besteak beste.
![‘Dragoi-jagolea’ ostiralean helduko da zenbait zinema aretotara.](/media/asset_publics/resources/001/104/106/article_main_vertical/Dragoijagolea.jpg)
Estatu espainoleko ‘Dragoi-jagolea’ filma estreinatuko da Euskal Herriko zenbait zinema aretotan ostiralean, apirilaren 19an, Zinema Euskaraz programaren eskutik. Publiko orokorrari bideratutako filma euskarara bikoiztuta ikusi ahal izango da.
Zineuskadi elkarteak jakinarazi duenez, Zinema Euskaraz programaren barruan aurten ikusiko den bigarren filma da ‘Dragoi-jagolea’, ‘Museoaren zaindariak’ lanaren ondoren.
Euskal ikus-entzunezkoen sektoreari laguntzeko helburua du Lakuako Gobernuko Kultura eta Hizkuntza Politika Sailak bultzatzen duen Zinema Euskaraz programak, eta haur zein gazteei zuzendutako filmen bikoizketaz arduratzen da, zinemagintzan euskararen hedapena sustatzeko.
Golem Alhondiga (Bilbo), Getxo Zinemak (Getxo), Zugaza Zinema (Durango), Florida Zinemak (Gasteiz), Gorbeia Zinemak (Gasteiz), Niessen (Errenteria), SADE Cines Antiguo Berri (Donostia) eta Golem La Morea (Iruñea) zinema aretoetan ikusi ahalko da ostiralean ‘Dragoi-jagolea’.
Animaziozko abentura filma da ‘Dragoi-jagolea’, dragoiak salbatzen saiatuko den neskato baten istorioa kontatzen duena.
Zinema Euskaraz programak beste film batzuk eskaintzen jarraituko du datozen hilabeteetan. Maiatzean, adibidez, bi filmen euskarazko bertsioak daude aurreikusita: ‘Deep Sea’. hilaren 10ean, eta ‘Jungle Bunch 2’, 26an.
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)
«Ezkaba gure historiako askatasun garrasi ozenenetakoa da; oilo ipurdia sortzen du»
![0817_izturitze1](/media/asset_publics/resources/001/146/418/article_thumb_horizontal/0817_izturitze1.jpg)
Izturitze eta Otsozelaia, historiaurreko aztarnen paradisua
![0817_piparra4](/media/asset_publics/resources/001/146/421/article_thumb_horizontal/0817_piparra4.jpg)