Ikerkuntzako profesionalak enpresetan sartzen laguntzeko deialdia egin du CIC nanoGUNEk
CIC nanoGUNEk ‘Ikertzaileak industriarekin lankidetzan’ deialdia plazaratu du, enpresetan ikerlarien kontratazioa errazteko. Goi mailako ikertzaileen ekarpenak enpresen garapen teknologikoan eta industria erronkei irtenbide berritzaileak emateko izan dezakeen garrantzia azpimarratu dute. Irailaren 30era arte aurkez daitezke eskaerak.
![Ikertzaileen kontrataziorako programaren irudi grafikoa.](/media/asset_publics/resources/001/111/344/article_main_landscape/ICRP.jpg)
CIC nanoGUNE ikerketa zentroak ‘Ikertzaileak industriarekin lankidetzan’ deialdia abiarazi du, euskal enpresen garapen teknologikoa errazteko industria erronkei irtenbide berritzaileak eman diezazkieten goi mailako ikertzaileen sarrerari esker.
Donostiako ikerketa zentroak azaldu duenez, ICRP (Industry Collaborative Research Positions) programaren helburua da ikertzaile profesionalak tokiko erakundeetan sar daitezen erraztea, lantaldeak aberastuz eta beren ekoizpen prozesuetan dituzten teknologia eta berrikuntza erronkei ikuspegi berriak aurkitzeko aukera emanez.
«Ziur gaude horretarako gakoa pertsonak direla», esan du Ainara Garcia Gallastegui nanoGUNEko Teknologia Transferentziaren zuzendariak.
NanoGUNEren ikerketa lerroek tokiko enpresek nabarmentzeko dituzten aukerak handitzen laguntzen duten aplikazioak dituzte hainbat sektoretan, hala nola osasunean, energian, fabrikazio aditiboan, ekonomia zirkularrean, automobilgintzan, elikaduran edo teknologia kuantikoetan.
Enpresaren ezaugarrien arabera, aholkularitza eskainiko du nanoGUNEk erronkak aztertzeko eta bere beharretara hobekien egokitzen den profila identifikatzeko. Era berean, sartu berriaren banakako proiektua definitzen lagunduko du. Halaber, programak finantzaketa egitura bateratu bat proposatzen du hautatutako pertsona kontratatzeko.
Lantaldeetan profil zientifikoa edo ikertzailea duten langileak sartu nahi dituzten edo profil horiek beraien egituran sartzearen abantailak aztertu nahi dituzten tamaina eta sektore guztietako euskal enpresei zuzendua dago deialdia. Eskaerak aurkezteko epea zabalik dago irailaren 30era arte.
Informazio gehiago lortzeko edo eskaera egiteko nanoGUNEren webgunearen bidez egin dezakete.
![0810_portada1](/media/asset_publics/resources/001/144/537/article_thumb_horizontal/0810_portada1.jpg)
Hemingway, Euskal Herria eta euskal Herritarrak
![0810_bizkargi1](/media/asset_publics/resources/001/144/740/article_thumb_horizontal/0810_bizkargi1.jpg)
Bizkargi, ibilaldia memoria historikoan zehar
![0810_ramon2](/media/asset_publics/resources/001/144/499/article_thumb_horizontal/0810_ramon2.jpg)
«Ezkaba gure historiako askatasun garrasi ozenenetakoa da; oilo ipurdia sortzen du»
![0817_piparra4](/media/asset_publics/resources/001/146/421/article_thumb_horizontal/0817_piparra4.jpg)