Usadioak, gure herrietako jaien bizkarrezurra osatzen duten ohitura zaharrak. Mantendu beharrekoak omen, batzuen esanetan, hurkoari kalterik egiten ez bazaio bederen. Belaunaldiz belaunaldi transmitituak, jasotzen duena behartuta dago bere ondorengoei haren berri ematera. Hala ikasi dute zubietarrek, eta hala egin dute urteetan zehar. Zuhaitz enbor bat du oinarri tradizioak, jaiei hasiera emateko herriko plazan jartzen dutena. Zubietan, argazkiak erakutsi lez, indarrak ematen dio jarraipena usadioari.