Joan den mendeko 30eko hamarkadaren hasieran, Miguel Urreta Euskaltzaleak elkarteko presidenteak honela zioen Errenterian egindako hitzaldi batean: «... euskaldunok gure hizkuntzan hitz egin ahal izatea eskatzen dugu, berea daukaten herri guztietan aitortutako eskubidea... euskaraz irakasteko eskatzen dugu...». Urretak euskarazko irakaskuntza defendatu zuen arrazoibide pedagogikoekin eta Euskal Herriak eskaera horretarako duen eskubidea azpimarratuz. Hitzaldiaren amaieran, honako hau esan zuen: «...gurasoei ari natzaie bereziki, euskara maite izan dezaten eta beren etxeetan egin dezaten, seme-alabei irakatsiz...». Artikulua ilustratzen duen argazkia Ricardo Martinek egin zuen 1928an; bertan, ikasle heldu batzuk ageri dira, beren trajeetan sartuta euskarazko klaseak jasotzen.