Ateak Ireki webguneak berri eman duenez, hainbat lagunek protesta ekintza sinbolikoa burutu dute Europako Giza Eskubideen Auzitegiaren atarian, Estrasburgon.

Pilotariak izeneko kolektiboak, pilotariz jantzita, euskal preso politiko adina gomazko pilota jaurti dituzte auzitegiaren atarian, trikitixaren doinuek alaituta. 613 pilotak botata, auzitegiko langileetako bati hainbat pilota eman dizkiote.

«Pilota Europaren teilatuan ere badago», aldarrikatu dute.

Poliziaren hainbat furgoneta gerturatu dira eta tarte batean ekintza burutu duten lagunekin hitz egin ondoren, alde egiten utzi diete, identifikatu ere egin gabe. Euskal Herrira bidean dira dagoeneko «pilotariak».