Errenterian eta Pasaian Espainiako banderaren inposizioaren aurkako ekitaldi bana egin dituzte. Errenteriaren kasuan plaka bat ezarri dute udaletxearen sarreran, Espainiako bandera jartzearen aurkako Osoko Bilkuraren erabakia adierazten duena.
Orain bi urte eskatu zion Carlos Urquijo Espainiako Gobernuaren Araba, Bizkaia eta Gipuzkoako ordezkariak Errenteriako Udalari Espainiako bandera jartzeko; apirilaren 18 arteko epea du agindu hori betetzeko.
Pasaian ere antzeko egoeran dira eta ikurrinaren aldeko ekitaldia egin dute gaur. Amaia Agirregabiria alkateakeak eta Bai Euskal Herriari ekimeneko ordezkariek parte hartu dute ekitaldi horretan, Aitor Oteizak ekimen herritarraren izenean. 200 herritarren aurrean Espainiako bandera ezartzea inposizioa dela salatu dute eta euskal herritarren ikurra ikurrina dela. Aberri egunean parte hartzeko deia egin diete, gainera, herritarrei.