![Nagore Mujikaren askatasuna eskatzeko manifestazioa, Deustuan. (Marisol RAMIREZ/ARGAZKI PRESS)](/media/asset_publics/resources/000/121/021/article_main_landscape/deustua.jpg)
Nagore Mujika gaur igaro da Auzitegi Nazionaleko Ismael Moreno epailearen aurretik eta honek espetxeratzea erabaki du, fidantzarik gabe. 1992an irekitako sumario batean oinarritu da epailea deustuarra kartzelara bidaltzeko. Zehazki, bi urte lehenago Barakaldon polizia baten aurkako atentatuan parte hartzea leporatzen dio Morenok. Fiskalak dio ez direla delitu hura preskribatutzat jotzeko 20 urteak igaro eta epaileak bat egin du tesi horrekin.
Mujika iragan larunbatean atxilotu zuten Villenan, Alacanten, bertan preso duen bikotekidea bisitatzera joan zenean. Iragan urriaren 14an eman zuen atxilotzeko agindua Moreno epaileak.
Mujikak bi bisita izan zituen larunbatean. Goizean lehenengo, aurrez aurreko familiarra izan zuen haurrarekin. Eta arratsaldean bigarrena. Hotelean bere zain ziren beste senide bat eta haurra eta bisita amaituta autoa hartzear zela atxilotu zuten. Kalez jantzitako bi poliziek atzeman zuten, 20.30ak inguruan.
GARAk jakin ahal izan duenez, senide horri telefonoz deitu behar izan zion alabaren kargu egin zedin.
Ondoren Villenako polizia-etxera eraman zuten, eta handik Madrilera, gaur epailearen aurretik pasa arte.
Atxiloaldian komunikatuta egon da eta konfidantzazko abokatuarekin egon ahal izan da.
Mujikak 12 urte egin zituen espetxean, bai Estatu frantsesean eta espainolean. 2011n geratu zen aske euskal preso deustuarra eta ordutik bere jarduera publikoa izan da, Etxerateko nahiz Egiari Zor fundazioko kide gisa.
Manifestazioa Deustuan
Iluntzean, ehunka pertsonek manifestazioa egin dute Deustuan.
«Konponbideari erasorik ez. Nagore Askatu» izan da manifestazioaren leloa.
![Fumanal1](/media/asset_publics/resources/001/146/593/article_thumb_horizontal/fumanal1.jpeg)
«Sánchez decide así porque sabe que las bases están con él; Feijóo está atado de pies y manos»
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
![Captura_de_pantalla_2024-08-29_a_las_19.55.22](/media/asset_publics/resources/001/151/147/article_thumb_horizontal/Captura_de_pantalla_2024-08-29_a_las_19.55.22.png)
Adam Castillejo, de las dos «sentencias de muerte» a su esperanzadora cura del VIH
![Ertzaintza](/media/asset_publics/resources/001/151/173/article_thumb_horizontal/ertzaintza.jpg)
Asuntos Internos investiga la muerte de un conductor que se habría encarado a ertzainas en Irun
![Echavarri](/media/asset_publics/resources/001/151/291/article_thumb_horizontal/echavarri.jpg)