Baiona 3: Zentro-eskuinaren eta PSren arteko lehia estua

Baiona 3 kantonamenduan lehia estua izan da zentro-eskuinaren eta sozialisten artean. Bi indar horiek pasako dira bigarren itzulira, bien artean botoen %65 eskuratuta.

Marie Christine Aragon PSko hautagaia, Baionako hauteslekuan. (Aurore LUCAS)

Forces64 eta UMPko ordezkariek osatutako bikotearen (Christine Lauque eta Yves Ugalde) eta PSko hautagaien (Marie-Christine Aragon eta Henri Etcheto) artean 41 botoko aldea besterik ez da izan lehen itzulian. Zentrista-eskuindarrek bozen %32,83 jaso dute, eta sozialistek, berriz, %32,24. Horrenbestez, aise igaro dira bigarren itzulira.

Hirugarren bozkatuenak FNko hautagaiak (Jean-Michel Iratchet eta Brigitte Lelievre) izan dira, botoen ia %14rekin. Laugarren indarra EH Bai izan da, %9,83rekin; bosgarren Berdeak, bozen %6,41ekin, eta seigarren FG, %4,71rekin.