Udaletxe aurrean bildu dira Gasteizko gazte eragile anitz, maiatzaren 24ko bozen ondotik «garatutako testuingurua ikusirik, instituzioetatik bultzatzen den arrazakeria salatzeko eta berriro eman ez dadin bermeak ezarri daitezen».
Atxikimendua eman duten eragileen artean daude EGI, Ernai, Gazte Abertzaleak, Gazte Komunistak, Podemos Gazteak Zirkulua, Ezker Anitza gazteon arloa edota Ikasle Abertzaleak, besteak beste. Orotara, Gasteizko hamabost gazte eragile baino gehiago daude.
«Oraina aldatzeko hautua» egin dutela adierazi dute gazteek eta azpimarratu dute «ez dugula nahi Marotok eta bere alderdia den PPk bilatzen duten kolorerik gabeko Gasteiz hori».
Ildo horretan, dei berezi bat egin diete EH Bildu, EAJ, PSE, Sumando eta Irabazi alderdietako ordezkariei, «erantzukizun politikoz» joka dezaten eskatzeko. «Aurreko legealdian eta kanpaina bitartean hain larritzat jotzen ziren diskurtso eta praktika arrazisten aurka posizionatzeaz gain, konpromiso garaia dela deritzogu».
Horregatik, ezinbestekotzat jo dute «Maroto alkate ez izateko dauzkaten aukera guztiak agortzea».
Juan Luis Agirre Letek askatasuna berreskuratu du, 28 urte preso izan eta gero
Graban el tremendo impacto de un rayo en las antenas de Zikuñaga de Hernani antes del amanecer
Maite Nosti, parlamentaria de Vox, deja el partido y provoca la disolución de la Agrupación
La dirección del Colegio Público de Gares comunica a las familias que abandona el PAI
