Lehen zatian jaun eta jabe izan da Athletic San Mamesen Las Palmasen kontrako partidan. Zuri-gorriek erraz sortu dituzte gol aukerak, baina penaltiz bakarrik lortu dute markagailuan aurreratzea. Erakustaldirik egin gabe bideratuta utzi dute partida.

Bigarren zatian ordea, behera egin dute zuri-gorriek eta Las Palmasek partida berdintzea lortu du. Ez du apenas aukerarik izan, baina hurreratu den guztietan min eman dio. Lehen berdinketaren ostean, Williamsek segituan erantzun du. Hala ere, bigarren kolpeak noraezean utzi du taldea eta azken minutuetan saiatu den arren, ezin izan du hirugarren golik egin.