Zumarragako Arcelor Mittaleko enpresa komiteak enpresaren «itxiera ekidin eta enpleguaren alde» egiten jarraituko duela adierazi du. Hau dela-eta, enpresarekin adostutako etorkizuneko plan alternatibo bat aurkeztea proposatu du, baina enpresaren ezezkoa jaso du.
Atzo, apirilak 20, Arcelor Mittaleko enpresa komitea eta enpresaren artean izandako bileran, azken honek Zumarragako «aktibitate industriala mantentzea posible egingo luketen neurri alternatiboen inguruan hitz egiteari uko» egin diola salatu du ohar baten bidez.
Bilera horretan, Zuzendaritzak, gaur egungo produkzioaren %85 ez lukela Arcelor Mittal taldeak produzituko helarazi zien, eta hau «harrigarritzat» jo dute. Hala ere, berriz ere defendatu dute planta «bideragarria» dela, eta honen aurrean dei egin die erakunde eta jendarteari «plantaren aldeko apustua egin dezan itxiera ekidin eta enplegua mantentzeko».
«Argudioak jarri ditugu mahai gainean, eztabaidatu dugu enpresak azaldutako arrazoien inguruan, baina honen aurrean enpresak adierazi du ez dela arrazoien inguruan eztabaidatu behar, itxieraren inguruan hitzegin baizik», nabarmendu dute.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Euskal ikurrak Sanferminetan eta zenbait kalejira euskal selekzioa aldarrikatuz
Casi todos los incidentes imaginables se suceden en un encierro de la villavesa lento e irreal
